ស្លាប់៣នាក់ នៅហ្នឹងកន្លែងកើតហេតុ និងមនុស្សម្នាក់ទៀតរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍
15-April-2020 | ដោយ ពលមនសិការ
ត្បូងឃ្មុំ៖ មនុស្ស៣នាក់បានស្លាប់នៅហ្នឹងកន្លែងកើតហេតុ និងមនុស្សម្នាក់ទៀតរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍ម៉ូតូបុកជាមួយម៉ូតូ។ ហេតុការណ៍គ្រោះថ្នាក់ចរាចរណ៍បានកើតឡើងនៅថ្ងៃទី១៤ ខែមេសា ឆ្នាំ២០២០ វេលាម៉ោង១០នឹង៣០នាទី នៅលើផ្លូវក្រាលកៅស៊ូ ត្រង់ចំណុចមុខផ្ទះឈ្មោះ វ៉ន វិន ភេទប្រុស ស្ថិតនៅភូមិតាប៉ាវបំពេញទេស ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ។
សមត្ថកិច្ចបានឲ្យដឹងថាមុនពេលកើតហេតុម៉ូតូម៉ាកអ៊ិចសិនធ័រ ពណ៌ក្រហម+ស គ្មានផ្លាកលេខ បើកបរដោយឈ្មោះ ភី ភាស់ ភេទប្រុស អាយុ២០ឆ្នាំ ជនជាតិខ្មែរ នៅភូមិសង្គមមានជ័យ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ (របួសធ្ងន់) ឌុបឈ្មោះ តឿ ស្វិត ភេទប្រុស អាយុ២០ឆ្នាំ ជនជាតិខ្មែរ នៅភូមិចុងអូរ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ (ស្លាប់នៅហ្នឹងកន្លែង ពេលមកដល់កន្លែងកើតហេតុបានបុកជាមួយម៉ូតូម៉ាកហ្សូមម័រ ពណ៌ខ្មៅ ពាក់ផ្លាកលេខ សៀមរាប 1Y-8003 បើកបរដោយឈ្មោះ ក្រឿន រ៉ាត ភេទប្រុស អាយុ២៣ឆ្នាំ ជនជាតិខ្មែរ នៅភូមិឈូក ឃុំឈូក ស្រុកក្រូចឆ្មារ ខេត្តត្បូងឃ្មុំ (ស្លាប់នៅហ្នឹងកន្លែង) បានឌុបឈ្មោះ ខេត រស្មី ភេទប្រុស អាយុ២៥ឆ្នាំ ជនជាតិខ្មែរ នៅភូមិ.ឃុំជាមួយគ្នា(ស្លាប់នៅហ្នឹងកន្លែង)។ អ្នកបើកបរម៉ូតូទាំងពីរ និងអ្នករួមដំណើរ ពាក់មួកសុវត្ថិភាព។
សមត្ថកិច្ចបានបញ្ជាក់ថាម៉ូតូអ៊ិចសិនធ័រ បើកបរមកពីជើងទៅត្បូងប្រើប្រាស់ល្បឿនទៅបុកម៉ូតូហ្សូមម័រ បើកបរមកពីត្បូងទៅជើង។
ចំនួនអ្នកទស្សនា
- ថ្ងៃនេះ10901
- ម្សិលមិញ12561
- សប្តាហ៍នេះ38851
- ខែនេះ60731
- ឆ្នាំនេះ60731
- សរុប20503187